Category Archives: CRA

ACTIVIDADE FEITA COLABORANDO TODAS AS AULAS

OS MESTRES TAMÉN VAN AO COLE

Estándar

Xornada de formación, sabado todo o día no CFR de Ourense. Para educar, afrontando novos proxectos, temos que seguir formándonos.

Advertisements

ESCUSAS PARA APRENDER

Estándar

Comunicámonos por correo electrónico. Marta foi a nosa mestra de Educación Física e agora traballa no CEIP de Caión. Os seus alumnos enviáronnos un correo electrónico e nós respondémoslles e quixemos informarnos, vendo imaxes na Internet, desa aldea mariñeira da provincia da Coruña. Foi unha boa escusa para aprender máis e comunicarnos por ese medio. Desde Vilaza mandámosche moitos bicos profe Marta.

APRENDER PODE SER MOI DIVERTIDO

Imaxe

Para mostra estas dúas imaxes dalgunha actividade que fixemos en Pazos!!!

Parece que só estamos xogando a pescar, pero tamén estamos a traballar a discriminación visual e a coordinación óculo-manual.

Axudando ao noso monstro comepalabras a separar os tapóns para que non se poña maliño comendo palabras que empezan igual, traballamos a discriminación fonémica, tan importante para iniciarse na lectoescritura.

Aprender e divertirse teñen que ir da man.

REDE DE ESCOLAS NA NUBE

Estándar

O mércores todos os CRAs de Galicia participamos nunhas xornadas de formación en Santiago sobre o proxecto “Escolas na Nube”. Coñecemos esta plataforma de traballo e escoitamos a experiencia de compañeiras que a empregan dende fai uns anos.

A Consellería de Educación publica hoxe unha nota sobre a ampliación do proxecto a todos os CRAs.

https://www.edu.xunta.es/espazoAbalar/nova/proxecto-escolas-na-nube-unha-realidade-en-todos-os-cras-de-galicia

Se queredes saber en que consiste este Proxecto de innovación educativa, podedes ler (tocando na imaxe) o artigo sobre a REDE DE ESCOLAS NA NUBE publicado no nº 73 de EDUGA (Revista Galega do Ensino) 

SAMAÍN EN PAZOS

Imaxe

     Fai case unha semana que celebramos o Samaín na escola preparando moitas actividades relacionadas con esta festa de orixe celta. Fixemos manualidades, aprendemos cancións, xogos e ata cociñamos para preparar unha merenda terrorífica.

Entre outras manualidades preparamos uns monstros que non podían ter máis de 5 ollos.

Xogamos a un xogo moi divertido coas mans duns esqueletos.

E cociñamos para facer unha merenda terrorífica.

TRABALLAMOS AS EMOCIÓNS

Imaxe

      Aproveitando que acabamos de celebrar a festa do Samaín que tanto nos gusta, pero que nos da un pouquiño de medo, en Pazos comezamos a traballar esta emoción.

     Empregamos o conto Los tentáculos de Blef para introducir o tema e pouco a pouco ir profundizando nel. Falamos sobre que lle pasa a Blef, como se sinte e porqué se sinte así e debuxamos os medos que temos cada un para metelos na “Caixa comemedos”, a cal empregaremos cada vez que nos xurda un medo, para que se faga pequeniño.

Este é o conto que empregamos: