Category Archives: PAZOS

¿QUE VEMOS NO MICROSCOPIO?

Imaxe

Hoxe tivemos na aula un microscopio para observar con máis detalle a pel dos nosos insectos pau e dos gusanos de seda, que a cambian para poder medrar.

Que sorpresa levamos cando descubrimos que se vía moi grande e con moitos detalles!

Agora só nos queda recordar que miramos por un microscopio, e non por un telescopio 🙂

Pinchando na foto e dándolle a ampliar tamén podedes ver vós os detalles das peles, unha queda arrugadiña e a outra coa mesma forma do insecto.

 

Advertisements

XOGOS DE PATIO; TEMPO DE DISFRUTE

Imaxe

Din que a felicidade está nas pequenas cousas, e en Pazos quedou demostrado esta semana. Uns poucos cacharritos de plástico, un pouco de terra que arrastrou a chuvia, e disfrutamos como se tiveramos o maior tesouro do mundo. Poucas veces xogamos tan relaxados e tan unidos!!

CHEGOU A PRIMAVERA A PAZOS

Imaxe

Aínda empezou onte a primavera e na aula de Pazos xa se fixo notar. Hoxe ao chegar á escola levamos unha gran sorpresa!! Na caixiña onde tiñamos os ovos dos insectos pau vimos un recén nacido.

Como non podía ser doutro xeito botamos un bo rato observándoo moi de preto, con moito xeitiño e paciencia.

Se pinchades na imaxe podedes ver as fotos un pouco máis grandes.

 

A TOPE COAS MATEMÁTICAS

Imaxe

Este curso, están cambiando algunhas cousas nas nosas aulas, entre eles a maneira de traballar as matemáticas. Estamos aprendendo matemáticas seguindo o método dos Algoritmos ABN.

As nosas profes están aprendendo como ensinar matemáticas con este método, de xeito que coas matemáticas non só pensamos, senon que manipulamos e aprendemos xogando moito.

Si abrides os seguintes collagues podedes ver algunha mostra do que facemos en Pazos. Contamos, recontamos, descompoñemos números, sumamos, facemos contas atrás, equivalencias, etc.