Arquivo do blog

ECLOSIÓN DA BOLBORETA

Vídeo


Momentos máxicos!

Nun mundo que vai tan acelerado, poder deterse a observar os ritmos acougados da natureza é verdadeiramente incrible. Axúdanos a baixar o ritmo, traballar a paciencia, a atención e a espera, a tranquilizarnos… E todo iso grazas a experiencias marabillosas, neste caso ver saír unha bolboreta do casulo, un proceso lento e custoso que nos mantivo aos alumnos e ás mestras en albas máis de 37 minutos, onde observamos, escoitamos e animamos á bolboreta sen présas… Só gozando mentres aprendemos!

Desfruta connosco!

VERMIÑOS BAILARÍNS

Vídeo

Neste experimento tentamos darlle vida a uns vermiños de gominola. Para iso tivémolos en repouso uns 15 minutos en auga morna con tres culleradas de bicarbonato. Pasado ese tempo os vermiños comenzar a moverse ao introducilos nun vaso con vinagre a causa do gas que se libera na reacción do bicarbonato co vinagre.

HAI PATOS NO RÍO!

Vídeo

Cando temos a escola nunha contorna tan bonita hai que aproveitar todo o que xorde e serve para aprender !

Dixéronnos que no río había unha pata con moitos parruliños e alá fomos.

Mentres os buscabamos observamos hortos, plantas… Gozamos da natureza na primavera!

OS MAIOS EN VILAZA

Vídeo

O 30 de abril celebramos a festa dos Maios en Vilaza. O mércores aproveitamos a andaina de educación física na rúa, para recoller flores silvestres, mentres comentabamos os seus nomes e características  O venres trouxemos máis flores de casa e con todas creamos, sobre cartón, dous cadros cos animaliños que estamos a criar na escola. A celebración rematou cantando as coplas na alameda para o mellor público, as familias.