Arquivo do blog

CIENCIA EN RUTA

Vídeo

A semana pasada, coincidindo coa nosa semana da ciencia, xuntámonos en Albarellos para participar en dous obradoiros dunha actividade chamada “Ciencia en Ruta”. Antonio foi o chico que nos trouxo estes dous obradoiros, un de construción dun foguete e outro sobre a dixestión. Ensinounos quen era Isaac Newton, explicounos algunha das leis que descubriu e construímos un foguete que lanzamos cunha lanzadera. Axudado polo seu robot chamado Robi, tamén nos ensinou o proceso da dixestión.

Temos que agradecer ao Concello de Monterrei que nos subvencionou esta actividade tan interesante da cal disfrutamos e aprendemos tanto pequenos como maiores.

2 DE ABRIL-DÍA MUNDIAL DA CONCIENCIACIÓN DO AUTISMO

Vídeo

Este domingo celébrase o Día Mundial da Concienciación do Autismo; nas nosas aulas quixemos tratar o tema e facer unha pequena actividade para sensibilizar ao noso alumnado no tema. Vimos un vídeo dunha  nena chamada María que ten autismo e en cada aula pintamos un anaquiño do corazón que representa o Autismo, un corazón con diferentes cores que representa a diversidade de persoas e familias que viven con este trastorno.

Aquí podedes ver o vídeo que vimos.