TROTEIROS DE BANDE

O pasado mércores, viñeron dous Troteiros de Bande a ensinarnos como se visten no entroido.

Contáronnos que son os encargados de levar o entroido polas aldeas do seu concello.

Si queredes saber algo máis deles, abride o vídeo, e disfrutade tanto coma nós.

E fomos de desfile!!!

O día 20 de febreiro, xoves de comadres, puxemos as nosas mellores galas, e alá marchamos ao desfile infantil do entroido, polas rúas principais de Verín. Este ano tocou ir de bebés e pediatras. E ata tivemos canción reivindicativa!!

 

É TEMPO DE CÍTRICOS

Esta semana, aproveitando o bo tempo, saímos da escola a buscar a froita típica do inverno, as laranxas. Descubrimos un laranxeiro pretiño, e non o pensamos dúas veces, fomos dar as clases de ciencias naturais fóra. 

Mirade o vídeo e veredes canto aprendemos!

Día da Paz en Medeiros

O luns 3 de febreiro xuntámonos as tres escolas do Cra, e alá fomos onda os nosos amigos do Ceip de Medeiros, a pasar o día xuntos, e festexar a paz.

Gozamos cos contos de Raquel Queizás, xogamos xuntos, pintamos un mural pola paz, cantamos unha canción coa mesma temática…

E, o máis importante de todo, convivimos!!!

Queremos máis!!!

---

Tamén vos deixamos información sobre os contos que escoitamos ese día, da man de Raquel Queizás, e as actividades que se poden facer para ampliar esta temática.

https://www.raquelqueizas.com/actividades-somos-iguais/

 

UN OVO MOI GRANDE

O avó de Iago mandounos un ovo moi grande e outro normal para que os vísemos na aula de Vilaza. Mirade no vídeo todo o que fixemos. Moitas grazas! Que sorte temos coas familias!